Historik i shkurter:

Caritas-i Dioqezan Pult-Bajza eshte nder Caritas-et e reja Dioqezane qe I ka fillimet e tij ne vitin 1999, me propozimin dhe iniciativen e Caritas-it Shqiptar per ngritjen e Caritas-eve Dioqezane ne cdo Dioqeze, respektivisht sipas dioqezave ekzistuese te Shqiperise.
Duke u vendosur me zyre ne ambientet e Caritas-it te Shkodres, nisi funksionimin si Caritas i Dioqezes Pult-Bajze me Drejtor Mons. Prele Gjurashaj dhe punonjes z. Marcel Hila dhe znj. Mirela Zezaj.

Ne vitin 2002 ky Caritas u zhvendos ne Bajze, ne ambientet e selise se Ipeshkvise Pult-Bajze, ku ne bashkepunim me Caritas-in Kombetar Shqiptar ka zhvilluar disa projekte kombetare.

Shtrirja gjeografike dhe vendndodhja

Ky Caritas Dioqezan operon ne Dioqezen Pult-Bajza e cila nga pikepamja gjeografike shtrihet ne Veri te Shqiperise, ben pjese ne rrethin e Malesise se Madhe dhe ate te Shkodres. Terreni eshte 80% malo, me klime te ashper, gje qe ben shume te veshtire jetesen per banoret e vendit.

Zyra e Caritas-it ndodhet ne ambientet e Selise Ipeshkvnore me qender ne Bajze, prane katedrales “ Shen Pjetri dhe Shen Pali”

Ju mund te kontaktoni me ne ne adresen:
-------------------------------------------------------------------
CARITAS DIOQESAN PULT-BAJZA
Selia Ipeshkvnore
Bajze, Malesi e Madhe

Tel. 068 20 37 277 ose
068 29 11 984

Struktura

Struktura e ketij perbehet nga Keshilli Drejtues dhe Administrata.

Keshilli Drejtues eshte i perbere prej:

Presidentit te Caritas-it Dioqezan Pult-Bajza, Mons. Prele Gjurashaj dhe
Drejtoresha dhe Koordinatore e Projekteve, Moter Mirela Zefi.

Administrata eshte e perbere nga disa Sektore:

Zyra e Sekretarise
Sektori Social
Sektori Shendetesor, me pergjegjese Moter Anna Ferragonio dhe zv. Pergjegjese Moter Mrika Gjergji.

Sektori Shendetesor permban ne strukturen e tij keto Qendra:

Ambulatorin e Bajzes, me pergjegjese Moter Enza Ferrara
Qendren e Degjimit ne Prekal, me pergjegjese Moter Enza Ferrara
Qendren e Degjimit ne Kir, me pergjegjese Moter Sandra Bartolotto
Qendren e Degjimit ne Stare, me pergjegjese Moter Anna Ferragonio

Zyra e Finances
Sektori i Animacionit Social
Sektori i Projekteve
Sektori i burimeve materiale

AKTIVITETE DHE PROGRAME

·Caritas Dioqezan Pult-Bajze eshte i angazhuar dhe i perfshire ne te gjithe programet dhe projektet qe Caritas Shqiptar po zhvillon ne rang kombetar. Nder to permendim:

§ Projekti Rinor “ Rini Shqiptare, Kapitali i se Ardhmes”, Tetor 2002 – Qershor 2003, ne te cilin jane perfshire 4 Qendra Agregimi: Bajze, Hot, Kir dhe Kastrat me ane te 6 mikroprojekte te paraqitura si: drame, kurse gjuhe te huaj anglisht, kampe verore, etj., me pjesemarrjen e 600 te rinjve.
§ Projekti i te Miturve, Faza e Pare: Tetor 2002-Qershor 2004, ne te cilin jane perfshire 3 Qendra: Bajze, Stare, Kir, me pjesemarrjen e 150 femijeve ne aktivitete formuese, educative, kampe verore per femije, etj. Ndersa ne Fazen e Dyte te ketij programi, jane perfshire dhe 2 Qendra te tjera: Hoti dhe Boga.
§ Programi per Rehabilitimin e shtepive te demtuara nga permbytjet, Faza e I-re e te cilit u zhvilluar gjate Qershor-Dhjetor 2003, konsistoi ne ndertimin e 4 shtepive te reja ne zonen e Bajzes dhe rehabilitimin e 2 shtepive te tjera, respektivisht ne Rrapshe dhe Hot.
Faza e II-te e zhvilluar gjate Qershor- Dhjetor 2004 konsiston ne ndertimin e 3 shtepive: 1 ndertim i ri ne Hot, dhe 2 rikonstruksione ne Vukpalaj dhe Koplik.
§ Programi “Lufte kunder Varferise Ekstreme” ne periudhen 4-mujore me dy faza: 1. Faza e I-re ne Dhjetor 2003 – Janar 2004; Faza II-te Shkurt-Mars 2004. Me ane te ketij programi jane asistuar 82 familje ne nevoje me ushqime baze: miell, fasule, sheqer, oriz, vaj.
§ Programi i Animacionit Social ka filluar ne Dhjetor te 2003, ne perzgjedhjen e 45 animatoreve ne 11 Qendra te Dioqezes, te cilet marrin pjese neper aktivitete e zhvilluara ne famulli. Nje nder aktivitetet me te rendesishme ne kuadrin e ketij programi ka qene Takimi i Animatoreve ne Voskopoje me date 7-12 shtator 2004, ku Dioqeza e Pult-Bajzes u perfaqesua me 14 animatore.
§ Programi “ Buka e Shna Ndout” eshte nje Program i ri i Caritas-it Dioqezan Pult-Bajza i ndermarre me iniciativen dhe mbeshtjetjen e e Shoqates se besimtareve qe jetojne ne amerike. Ky program ka dhene dhe vazhdon te jape nje kontribut per familjet e varfera, ne vleren e nje pakete ushqimore dhe menyra te tjera. Ky kontribut administrohet nga Caritas Dioqezan Pult-Bajza dhe deri me tani ka arritur te mbeshtese 100 familje te cilat vuajne kushtet e nje varferie ekstreme.

PLANE PER TE ARDHMEN

> Prioritetet i punes se Caritas Dioqezan Pult-Bajza per te ardhmen mbetet ndihma per familjet me te varfera ne menyra te ndryshme, qofte ne ndihme materiale, ndertim shtepi banimi, zhvillime aktivitete formuese, aktivitete edukative, kurse trajnimi professional, etj.
> Puna me rinine eshte nje tjeter prioritet i veprimtarise se Caritas-it Dioqezan. Rinia e Dioqezes do angazhohet ne hartimin e projekteve Agreguese-Formuese nepermjet kurseve te ndryshme formimit te cilat nxisin promovimin e ndryshimit te komuniteteve ku keta te rinj bejne pjese, duke perfshire edhe nenzona te qendrave ku ka animatore.
> Tjeter iniciative e Caritas-it Dioqezan eshte hartimi i nje Projekti, bazuar mbi nje studim qe do te kryhet ne Komunat vendore te Dioqezes mbi nevojat kyce ne ndihme te me te varferve.
> Ngritja e struktures se komunikimit: rrjeti telefonik, lidhje interneti, ne menyre qe te thithet informacioni
> Vizita dhe shkembime eksperiencash me Caritas-et e tjera Dioqezane ne rang sektoresh.
> Pajisje me baze te nevojshme materiale dhe rritje te kapacitetit kompjuterik, logjistik brenda ketij Institucioni, sic eshte Caritas-i Dioqezan.
> Realizimi i lidhjeve Binjakezuese me Caritas-e te tjera simotra, me shoqata joqeveritare, me organizata bamirese.

VINI RE

Deshirojme t’Ju informojme se, ne si Caritas Dioqezan gjendemi perballe mungesave e kerkesave te perditshme te njerezve sic jane:
- mungesa e ujit te pijshem; s’ka asnje ujesjelles qe fuksionon
- infrastruktura rrugore tejet e amortizuar (vecanerisht Dukagjini) dhe cdo llok transporti eshte shume i kufizuar.
- Rrjeti elektrik plote mangesira saqe eshte aty ku shkon energjia elektrike tensioni eshte aq i ulet saqe ben te mos funksionoje asnje pajisje elektroshtepiake.
- Sinjali mungon ne mbi 50% te territorit, si ai kabllo si ai mobil
- Mungon sherbimi shendetesor: rrethi I Malesise se Madhje nuk ka Spital, e per ta zbutur kete nevoje jane ngritur nga Caritas Shqiptar ambulatory I Bajzes dhe 3 Qendra Degjimi ne Prekal, Kir dhe Stare.

Duke qene se Caritas-i yne Dioqezan eshte strukture e re dhe ende nuk ka asnje partner tjeter bashkepunimi pervec Caritas Kombetar Shqiptar. E quajme si te domosdoshme ndihmen per te krijuar lidhje Binjakezimi me Caritas-e te tjera Dioqezane, ne menyre qe te na ndihmojne me eksepriencen dhe ekspertizen e tyre te forcojme strukturen e Caritas-it tone Dioqezan dhe te rrisim kapacitetin profesional per t’iu ardhur ne ndihme popullates se Dioqezes.